Бізнес-навіны

Анлайн-пасяджэнне беларуска-пакістанскага дзелавога савета пройдзе 12 красавіка

5 красавіка, Мінск /Кар. БЕЛТА/. Пасяджэнне беларуска-пакістанскага дзелавога савета пройдзе 12 красавіка ў рэжыме анлайн, паведамляе БЕЛТА са спасылкай на сайт Беларускай гандлёва-прамысловай палаты.

"На мерапрыемстве будуць разгледжаны актуальныя напрамкі гандлёва-эканамічнага супрацоўніцтва дзвюх краін, канкрэтныя пытанні і прапановы беларускага і пакістанскага бізнесу па такіх напрамках, як прамысловая кааперацыя, будаўніцтва, супрацоўніцтва ў галіне сельскай гаспадаркі, фармацэўтыкі, адукацыі, навукі, інфармацыйных тэхналогій, турызму, стварэнне сумесных прадпрыемстваў і іншых", - гаворыцца ў паведамленні палаты.

Плануецца, што ў пасяджэнні прымуць удзел кіраўнікі БелГПП, Федэрацыі ГПП Пакістана і дыпламатычных місій дзвюх краін.

Мерапрыемства праводзіцца Беларускай гандлёва-прамысловай палатай сумесна з Федэрацыяй гандлёва-прамысловых палат Пакістана.

версія для друку

зрабіць стартавай

дабавіць у выбранае