Бізнес-навіны

Андрэеў у кітайскім горадзе Сямынь абмеркаваў практычныя крокі па супрацоўніцтве з беларускімі партнёрамі

Фота з архiва

13 верасня, Мінск /Кар. БЕЛТА/. Генеральны консул Рэспублікі Беларусь у Шанхаі Андрэй Андрэеў наведаў горад Сямынь правінцыі Фуцзянь. Аб гэтым карэспандэнту БЕЛТА расказалі ў беларускай загранустанове.

Генеральны консул правёў сустрэчы з намеснікам губернатара правінцыі Фуцзянь спадарыняй Гуа Ніньін, намеснікам мэра горада Сямынь Чэн Шую, кіраўніцтвам карпарацыі COSCO Shipping Lines, інавацыйнага цэнтра БРІКС, сямыньскага шпіталя сардэчна-сасудзістай хірургіі, а таксама наведаў марскі кантэйнерны тэрмінал і шэраг кітайскіх кампаній.

З кітайскім бокам абмеркаваны практычныя крокі па пашырэнні гандлёва-эканамічнага супрацоўніцтва з Рэспублікай Беларусь, наладжванні пабрацімскіх сувязей Гродзенскага раёна і горада Сямынь, устанаўленні практычнага і навуковага-даследчага ўзаемадзеяння Мінскага навукова-практычнага цэнтра хірургіі, транспланталогіі і гематалогіі з сямыньскім Цэнтрам сардэчна-сасудзістай хірургіі, устанаўленні прамых дзелавых сувязей беларускіх высокатэхналагічных прадпрыемстваў з інавацыйным цэнтрам БРІКС.

У складзе міжнароднай дэлегацыі дыпламатычных прадстаўнікоў генеральны консул Рэспублікі Беларусь таксама прыняў удзел у адкрыцці міжнароднай гандлёва-інвестыцыйнай выстаўкі CIFIT China і ў арганізаванай МЗС Кітая і ўрадам Сямыня серыі дзелавых сустрэч "Глабальныя ідэі кітайскіх прадпрыемстваў".

У інтэрв'ю журналістам кітайскіх агенцтваў навін Андрэй Андрэеў падкрэсліў, што на бягучым этапе ў аснове практычных крокаў па нарошчванні беларуска-кітайскага супрацоўніцтва - інтэнсіўная сумесная работа па выкананні дамоўленасцей, дасягнутых кіраўнікамі дзяржаў і ўрадаў абедзвюх краін у ходзе нядаўніх сустрэч.

версія для друку

зрабіць стартавай

дабавіць у выбранае