Бізнес-навіны

"АМКАДОР" прадставіў тэхніку на буйнейшай аграрнай выстаўцы ў Саратаве

Фота "АМКАДОР"

14 жніўня, Мінск /Кар. БЕЛТА/. ТАА "АМКАДОР-Спамаш" сумесна з афіцыйным дылерам ТАА "ГД "Мідэн-Агра" прынялі ўдзел у буйнейшай аграрнай выстаўцы ў Саратаве - "Саратаў-Агра. Дзень поля. 2023", паведамілі БЕЛТА ў прэс-службе прадпрыемства.

На аграпрамысловым форуме холдынг прадставіў універсальны пагрузчык з бартавым паваротам "АМКАДОР 211". "Такая тэхніка дапамагае эфектыўна выконваць пагрузачныя і разгрузачныя работы на сельскагаспадарчых участках. Бартавы паварот дазваляе аператару максімальна зручна манеўрыраваць нават у абмежаваных умовах", - расказалі ў прэс-службе.

Таксама можна было ўбачыць універсальны пагрузчык "АМКАДОР 332С4". "Гэты тэхнічна складаны пагрузчык, аснашчаны бартавым паваротам, уяўляе сабой магутны сродак для эфектыўных пагрузачных і разгрузачных аперацый на аграрных участках", - адзначылі на прадпрыемстве.

Акрамя таго, наведвальнікі змаглі азнаёміцца з зернеачышчальна-сушыльнымі комплексамі "АМКАДОР", якія забяспечваюць якасную пасляўборачную апрацоўку ўраджаю, што важна для захаванасці і канчатковай якасці прадукцыі.

У бягучым годзе выстаўка стала самай маштабнай у рэгіёне. На ёй дэманстраваліся сельгастэхніка, абсталяванне, запчасткі, сістэмы аўтапілота, угнаенні і многае іншае.

"АМКАДОР" заснаваны ў 1927 годзе. У складзе холдынга - 30 юрыдычных асоб, 22 заводы, якія выпускаюць больш за 6,5 тыс. найменняў таварнай прадукцыі, у тым ліку 135 мадэлей і мадыфікацый спецыяльнай і сельскагаспадарчай тэхнікі. Усе прадпрыемствы холдынга інтэграваны ў адзіны тэхналагічны ланцуг. Кожны ўдзельнік спецыялізуецца на выпуску канкрэтных машын, вузлоў і агрэгатаў. У кампаніі пастаянна распрацоўваюць новыя мадэлі тэхнікі і ўдасканальваюць існуючыя.

версія для друку

зрабіць стартавай

дабавіць у выбранае