Бізнес-навіны
Амбразевіч: Беларусь справілася з негатыўнымі наступствамі санкцый лепш, чым сам ЕС
16 снежня, Мінск /Кар. БЕЛТА/. Беларусь справілася з негатыўнымі наступствамі санкцый лепш, чым сам Еўрапейскі саюз. Аб гэтым заявіў намеснік міністра замежных спраў Юрый Амбразевіч на пасяджэнні кансультатыўнага савета па справах беларусаў замежжа, перадае карэспандэнт БЕЛТА.
Намеснік міністра адзначыў, што санкцыі застаюцца вельмі складаным і актуальным пытаннем для многіх дзяржаў свету.
"Супраць нашай краіны за апошнія тры гады ЗША, Еўрапейскі саюз, Вялікабрытанія і шэраг іншых краін увялі некалькі пакетаў вельмі сур'ёзных комплексных санкцый, якія ахопліваюць цэлыя сектары эканомікі Беларусі. Пачынаючы з 2020 года, 219 абмежавальных рашэнняў на дзяржаўным узроўні было прынята ў адносінах да Беларусі заходнімі дзяржавамі", - прывёў статыстыку Юрый Амбразевіч.
Разам з тым ён звярнуў увагу, што ва ўмовах санкцый беларускія прадпрыемствы асвоілі альтэрнатыўныя тэхналагічныя і лагістычныя ланцужкі, знайшлі новых пастаўшчыкоў камплектуючых і рынкі збыту. У выніку па ўзроўні ВУП Беларусь цяпер павінна перасягнуць вынікі дакрызіснага 2021 года.
"Мы сталі сведкамі парадаксальнай сітуацыі, калі еўрапейцы справіліся з негатыўнымі наступствамі сваіх жа санкцый горш, чым справіліся з наступствамі іх санкцый мы, - сказаў дыпламат. - Мы разумеем, што санкцыі так хутка і так проста не здымуцца. Ніхто не будзе здымаць іх з Беларусі ва ўмовах дзеючых аналагічных санкцый супраць Расіі".
Таму Беларусь усвядомлена пераарыентавала прамысловую кааперацыю і знешні гандаль на Расію і іншыя краіны СНД, Кітай, дзяржавы далёкай дугі. Пры гэтым нягледзячы на ўзмацненне санкцыйнага націску беларускі экспарт прадаўжае расці, захоўваецца стабільная сітуацыя ў сацыяльнай сферы, павялічыліся рэальныя наяўныя грашовыя даходы насельніцтва, знізіўся ўзровень беспрацоўя.
"У гэтым годзе Беларусь павінна атрымаць больш за $8 млрд ад продажу прадуктаў харчавання за мяжу", - дадаў Юрый Амбразевіч.
версія для друку
зрабіць стартавай
дабавіць у выбранае