Бізнес-навіны

ААТ "БЕЛАЗ-СЭРВІС" у мінулым годзе павялічыла аб'ём вытворчасці амаль у два разы

Фота з архiва

6 красавіка, Мінск /Кар. БЕЛТА/. Тэмп росту аб'ёмаў вытворчасці ААТ "БЕЛАЗ-СЭРВІС" у мінулым годзе склаў 192,6 працэнта. Гэта адбылося за кошт укаранення новых напрамкаў - выпуску прамысловай мэблі з канструкцыйнага алюмінію і аўтаматычных сістэм пажаратушэння, якія прымяняюцца ў складзе кар'ернай і дарожна-будаўнічай тэхнікі. Аб гэтым паведаміў у інтэрв'ю часопісу "Экономика Беларуси" дырэктар ААТ "БЕЛАЗ-СЭРВІС" Аляксей Пятровіч, перадае БЕЛТА.

Няпросты ў эканамічным плане 2022 год прадпрыемства завяршыла выкананнем усіх даведзеных Міністэрствам прамысловасці паказчыкаў. Чысты прыбытак склаўся на ўзроўні больш як 3,7 млн рублёў.

"Сёння мы цесна працуем адразу па двух напрамках. Першы - аказанне паслуг па рамонце вузлоў і агрэгатаў і сэрвісным абслугоўванні кар'ернай тэхнікі БЕЛАЗ і МаАЗ. Наша кампанія з'яўляецца афіцыйным пастаўшчыком абсталявання і кар'ерных самазвалаў на тэрыторыі Таджыкістана і Кыргызстана. Плануем арганізаваць першую выстаўку ў Бішкек, каб пазнаёміць замежныя кампаніі з нашым прадпрыемствам і прадукцыяй "БЕЛАЗ-ХОЛДЫНГ". Пазіцыянуем сябе ў якасці надзейнага і добрасумленнага партнёра", - адзначае дырэктар прадпрыемства.

Яшчэ адзін напрамак вытворчай дзейнасці ААТ "БЕЛАЗ-СЭРВІС" - уласная вытворчасць вырабаў з ПВХ: вокны, дзверы, маскітныя сеткі, мнагамэтавыя модульныя канструкцыі, перагародкі, аконныя блокі арачнай і трапецаідальнай формы, рассоўныя сістэмы для балконаў і лоджый, а таксама выпуск прамысловай мэблі з канструкцыйнага алюмінію.

ААТ "БЕЛАЗ-СЭРВІС" уходзіць у склад найбуйнейшага холдынга ААТ "БЕЛАЗ".

версія для друку

зрабіць стартавай

дабавіць у выбранае