Бізнес-навіны

Знешні дзярждоўг Беларусі з пачатку года знізіўся на 1,1 працэнта да $16,7 млрд

28 лютага, Мінск /Кар. БЕЛТА/. Знешні дзяржаўны доўг Беларусі на 1 лютага 2019 года склаў $16,7 млрд, знізіўшыся з пачатку года на $0,2 млрд (з улікам курсавых розніц), або на 1,1 працэнта, паведамілі БЕЛТА ў Міністэрстве фінансаў.

У студзені гэтага года прыцягнуты знешнія дзяржаўныя пазыкі на суму $59,9 млн, у тым ліку $51,8 млн - урада і банкаў Расіі, $6,9 млн - МБРР і $1,2 млн - ЕБРР.

Пагашэнне знешняга дзяржаўнага доўгу ў студзені 2019 года склала $299,2 млн, з якіх $209,2 млн - Экспартна-імпартнаму банку Кітая і $90 млн - ураду Расіі.

Дзяржаўны доўг Беларусі на 1 лютага склаў Br44,9 млрд і павялічыўся ў параўнанні з пачаткам 2019 года на Br0,4 млрд, або на 1 працэнт.

Унутраны дзяржаўны доўг па стане на 1 лютага 2019 года склаў Br8,9 млрд, зменшыўшыся з пачатку года на Br8,7 млн (з улікам курсавых розніц), або на 0,1 працэнта.

У студзені 2019 года размяшчэнне ўнутраных дзяржаўных аблігацый для юрыдычных і фізічных асоб не ажыццяўлялася.

версія для друку

зрабіць стартавай

дабавіць у выбранае