Бізнес-навіны
Зацверджаны план нацыянальных выставак Беларусі за мяжой на 2017 год
21 лістапада, Мінск /Кар. БЕЛТА/. План нацыянальных выставак Беларусі за мяжой на 2017 год зацверджаны пастановай Савета Міністраў нумар 935 ад 18 лістапада, паведамілі БЕЛТА ў прэс-службе ўрада.
У прыватнасці, у студзені-лютым будзе прадстаўлена нацыянальная экспазіцыя на 42-й Міжнароднай выстаўцы аховы здароўя Arab Health у Дубаі (ААЭ). Таксама ў лютым Беларусь прыме ўдзел у міжнароднай спецыялізаванай выстаўцы-форуме ў галіне навукі, тэхналогій і інавацый Transfiere ў Малазе (Іспанія).
Акрамя таго, у чэрвені-верасні 2017 года нацыянальная экспазіцыя Беларусі будзе прадстаўлена на міжнароднай спецыялізаванай выстаўцы "ЭКСПА-2017" у Астане (Казахстан), на 17-й Кітайскай міжнароднай выстаўцы прадуктаў харчавання і імпарту прадуктаў харчавання ў Гуанчжоу IFE 2017 і на міжнароднай выстаўцы-канферэнцыі ў галіне высокіх тэхналогій eMerge Americas у Маямі (ЗША).
Беларускія экспазіцыі таксама будуць разгорнуты на плошчах міжнародных выставак у такіх гарадах, як Гавана (Куба), Алжыр (Алжыр), Мапуту (Мазамбік), Нітра (Славакія), Санкт-Пецярбург і Уладзівасток (Расія).
версія для друку
зрабіць стартавай
дабавіць у выбранае