Бізнес-навіны

Стратэгічнай мэтай рэалізацыі плана з'яўляецца павышэнне якасці жыцця насельніцтва на аснове росту канкурэнтаздольнасці эканомікі, прыцягнення інвестыцый і інавацыйнага развіцця. "З улікам нацыянальных асаблівасцей і глабальных выклікаў дзяржава вызначае зялёную эканоміку як стратэгічны прыярытэт. Вынікам рэалізацыі плана будзе паэтапнае пераўтварэнне нацыянальнай эканомікі, заснаванае на ўкараненні прынцыпаў зялёнай эканомікі і дасягненні Мэт устойлівага развіцця, гарманізацыі эканамічных, экалагічных і сацыяльных інтарэсаў", - гаворыцца ў пастанове.

Прыхільнасць Беларусі да прынцыпаў зялёнай эканомікі замацавана ў агульнадзяржаўных праграмных дакументах, уключаючы Нацыянальную стратэгію ўстойлівага сацыяльна-эканамічнага развіцця на перыяд да 2030 года. У якасці асноўнай мэты першага этапу выканання стратэгіі (2016-2020 гады) разглядаецца пераход да якаснага збалансаванага росту эканомікі шляхам яе структурна-інстытуцыянальнай трансфармацыі з улікам рэалізацыі прынцыпаў зялёнай эканомікі, прыярытэтнага развіцця высокатэхналагічных вытворчасцей, якія стануць асновай для павышэння канкурэнтаздольнасці краіны і якасці жыцця насельніцтва. Асноўная мэта другога этапу (2021-2030 гады) - пераход да стабільнай устойлівасці развіцця і дасягненне высокай якасці чалавечага патэнцыялу на аснове далейшага станаўлення зялёнай эканомікі, паскоранага ўдасканалення высокатэхналагічных вытворчасцей.

З улікам сацыяльна-эканамічных умоў, перспектыў, мэтазгоднасці, міжнародных абавязацельстваў прыярытэтнымі напрамкамі развіцця зялёнай эканомікі названы развіццё электратранспарту (інфраструктуры) і гарадской мабільнасці, рэалізацыя канцэпцыі "разумных гарадоў"; развіццё будаўніцтва энергаэфектыўных жылых дамоў і павышэнне энергаэфектыўнасці жыллёвага фонду; зніжэнне энергаёмістасці ВУП, павышэнне энергаэфектыўнасці; павышэнне патэнцыялу выкарыстання аднаўляльных крыніц энергіі; стварэнне ўмоў для вытворчасці арганічнай прадукцыі; устойлівае спажыванне і вытворчасць, а таксама развіццё экалагічнага турызму.

Рэалізоўваць мерапрыемствы плана прадугледжваецца ў рамках выканання дзяржаўных праграм на 2016-2020 гады ў межах прадугледжанага фінансавання, а таксама шляхам прыцягнення пазабюджэтных сродкаў і замежных фінансавых рэсурсаў, іншых крыніц.

Рэспубліканскім органам дзяржкіравання і іншым дзяржарганізацыям, падпарадкаваным ураду, аблвыканкамам і Мінскаму гарвыканкаму, Нацыянальнай акадэміі навук і іншым арганізацыям, якія з'яўляюцца выканаўцамі мерапрыемстваў плана, неабходна штогод да 25 студзеня года, што ідзе за справаздачным, прадстаўляць у Міністэрства прыродных рэсурсаў і аховы навакольнага асяроддзя інфармацыю аб ходзе выканання мерапрыемстваў. Мінпрыроды даручана штогод да 10 лютага года, што ідзе за справаздачным, прадстаўляць у Савет Міністраў абагульненую інфармацыю аб ходзе выканання мерапрыемстваў з унясеннем пры неабходнасці прапаноў аб яго ўдакладненні.

Зялёная эканоміка - мадэль арганізацыі эканомікі, накіраваная на дасягненне мэт сацыяльна-эканамічнага развіцця пры істотным скарачэнні экалагічных рызык і тэмпаў дэградацыі навакольнага асяроддзя.