Бізнес-навіны

Залаты запас Беларусі за 2020 год вырас на 1 т да 43,2 т

Фота з архiва

12 студзеня, Мінск /Кар. БЕЛТА/. Залаты запас Беларусі за 2020 год вырас на 1 т і, паводле даных на 1 студзеня 2021 года, складае 43,2 т (залатога эквівалента), паведамляе БЕЛТА са спасылкай на інфармацыю Нацыянальнага банка Беларусі.

На 1 студзеня 2020 года гэты паказчык складаў 42,2 т, на 1 студзеня 2019-га - 41,2 т.

Залаты запас - гэта каштоўныя металы ў выглядзе банкаўскіх зліткаў, якія знаходзяцца ў веданні Нацыянальнага банка і з'яўляюцца часткай Дзяржаўнага фонду каштоўных металаў і каштоўных камянёў Беларусі.

Наяўнасць залатога запасу падтрымлівае давер рэзідэнтаў і нерэзідэнтаў да здольнасці Нацбанка і ўрада выконваць свае фінансавыя абавязацельствы і праводзіць манетарную палітыку. Таксама каштоўныя металы могуць быць выкарыстаны ў выпадку неабходнасці шляхам іх продажу, абмену або выкарыстання ў разліках.

версія для друку

зрабіць стартавай

дабавіць у выбранае