Бізнес-навіны

31 ліпеня, Мінск /Кар. БЕЛТА/. У мэтах лібералізацыі валютных адносін і стымулявання дзелавой актыўнасці Прэзідэнт Беларусі Аляксандр Лукашэнка падпісаў указ "Аб адмене абавязковага продажу замежнай валюты". Аб гэтым БЕЛТА паведамілі ў прэс-службе кіраўніка дзяржавы.

Гэты інструмент прымяняўся ў перыяд станаўлення беларускага рынку і садзейнічаў фарміраванню прапанавання замежнай валюты на валютнай біржы, разам з тым ён з'яўляўся стрымальным фактарам, паколькі ўспрымаўся інвестарамі як прыкмета адміністрацыйнага рэгулявання і абмежаванняў.

Адмена абавязковага продажу часткі валютнай выручкі суб'ектамі гаспадарання будзе садзейнічаць павышэнню канкурэнтаздольнасці беларускіх экспарцёраў, стане істотным фактарам паляпшэння ўмоў вядзення бізнесу ў Беларусі.