Бізнес-навіны

XXVII Беларускі энергетычны і экалагічны форум "Energy Expo" пройдзе ў Мінску 17-20 кастрычніка

Фота арганізатараў

4 кастрычніка, Мінск /Кар. БЕЛТА/. XXVII Беларускі энергетычны і экалагічны форум "Energy Expo" пройдзе ў Мінску 17-20 кастрычніка, паведамілі БЕЛТА ў прэс-службе Мінэнерга.

Гэта адно з буйнейшых спецыялізаваных выставачных мерапрыемстваў, якое праводзіцца штогод у мэтах развіцця інавацыйнага патэнцыялу паліўна-энергетычнага комплексу. Форум аб'ядноўвае галіновыя арганізацыі і вядучых вытворцаў абсталявання і тэхналогій для энергетыкі і сумежных галін. У бягучым годзе яны традыцыйна прадставяць інавацыйныя праекты і перадавыя рашэнні ў сферы электраэнергетыкі, газавай галіны, энерга- і рэсурсазберагальных тэхналогій, лічбавага развіцця, экалогіі.

Будуць арганізаваны спецыялізаваныя выстаўкі: "Энергетыка. Экалогія. Энергазберажэнне. Электра", "Інавацыйныя прамысловыя тэхналогіі" (Green INDUSTRY), салон інавацыйнага транспарту "Е-ТРАНС" (eTRANS), "Тэхналогіі для нафтахімічнай галіны" (OIL & GAS Technologies), "Атамэкспа-Беларусь", "ЭкспаСВЯТЛО", "Водныя і паветраныя тэхналогіі", "ЭкспаГорад".

Дзелавая праграма форуму ўключае навукова-практычныя канферэнцыі, круглыя сталы і семінары, у тым ліку па пытаннях развіцця атамнай энергетыкі, падрыхтоўцы і перападрыхтоўцы інжынерных кадраў, развіцці электратранспарту, уключэнні ў паліўна-энергетычны баланс краіны мясцовых відаў паліва. У рамках форуму пройдзе таксама Дзень моладзі - школьнікі, студэнты і маладыя спецыялісты змогуць дэталёва азнаёміцца з апошнімі дасягненнямі галіны.

версія для друку

зрабіць стартавай

дабавіць у выбранае