Бізнес-навіны

31 ліпеня, Мінск /Кар. БЕЛТА/. Холдынг па вытворчасці фармацэўтычнай прадукцыі ствараецца ў Беларусі. Адпаведны ўказ нумар 258 падпісаў Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.

Стварэнне холдынга накіравана на ўдасканаленне суадносін уласнасці і павышэння эфектыўнасці кіравання дзяржаўнымі актывамі. Гэта будзе дасягнута за кошт забеспячэння незалежнасці органаў ліцэнзавання, дзяржаўнай рэгістрацыі лекавых сродкаў і сертыфікацыі вытворчасці ад інтарэсаў вытворцаў дзяржаўнай формы ўласнасці, што адпавядае сусветнай практыцы, а таксама за кошт аб'яднання кампаній фармацэўтычнай галіны для павышэння іх канкурэнтаздольнасці на сусветных рынках, максімізацыі іх кошту праз кансалідацыю актываў, аптымізацыю структуры кіравання і скарачэння затрат.

Холдынг будзе адкрыты для ўваходжання прадпрыемстваў усіх форм уласнасці і любой ведамаснай падпарадкаванасці.

Таксама ў адпаведнасці з указам ліквідуецца Дэпартамент фармацэўтычнай прамысловасці. Ажыццяўляемыя ім функцыі дзяржаўнага рэгулявання ў фармацэўтычнай галіне будуць захаваны ў Міністэрстве аховы здароўя.