Бізнес-навіны

"Вялікі камень" будзе супрацоўнічаць з Дэпартаментам па навуцы і тэхніцы правінцыі Хубэй

Фота з архiва

25 верасня, Мінск /Кар. БЕЛТА/. "Вялікі камень" будзе супрацоўнічаць з Дэпартаментам па навуцы і тэхніцы правінцыі Хубэй (КНР), паведамілі БЕЛТА ў прэс-службе індустрыяльнага парка.

"Вялікі камень" наведала дэлегацыя Дэпартамента па навуцы і тэхніцы правінцыі Хубэй. Госці азнаёміліся з гісторыяй і развіццём парка, а таксама наведалі цэнтр комплекснага абслугоўвання "Адна станцыя". У час перагавораў бакі абмеркавалі шэраг актуальных пытанняў партнёрства.

Пасля заканчэння сустрэчы адміністрацыяй "Вялікага каменя", дэпартаментам і рэзідэнтам парка "СІНАМАЧБЕЛ" было падпісана пагадненне аб супрацоўніцтве. Дакументам устаноўлена, што бакі будуць узаемадзейнічаць у галіне прамысловых і тэхналагічных даследаванняў і праектаў, падрыхтоўкі кваліфікаваных кадраў, а таксама садзейнічаць кааперацыі навукова-тэхнічных прадпрыемстваў.

Кітайска-беларускі індустрыяльны парк "Вялікі камень" - асаблівая эканамічная зона са спецыяльным прававым рэжымам, размешчаная за 25 км ад Мінска. Прыярытэтныя для парка напрамкі - машынабудаванне, электроніка і тэлекамунікацыі, біятэхналогіі, фармацэўтыка, новыя матэрыялы, лагістыка, электронная камерцыя, захоўванне і апрацоўка вялікіх аб'ёмаў даных.

версія для друку

зрабіць стартавай

дабавіць у выбранае