Бізнес-навіны

Урады Беларусі і Нікарагуа правядуць перагаворы аб прадастаўленні экспартных крэдытаў

Фота з архiва

19 мая, Мінск /Кар. БЕЛТА/. Беларусь і Нікарагуа правядуць перагаворы аб прадастаўленні экспартных крэдытаў. Праект адпаведнага генеральнага пагаднення паміж урадамі дзвюх краін адобраны пастановай Савета Міністраў нумар 313 ад 17 мая 2023 года, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Праект пагаднення стане асновай для перагавораў, на правядзенне якіх упаўнаважана Міністэрства прамысловасці. У яго дазволена ўносіць змяненні, якія не маюць прынцыповага характару. Пры дасягненні дамоўленасці ўрады падпішуць дакумент.

Пастанова ўступае ў сілу з дня прыняцця.

версія для друку

зрабіць стартавай

дабавіць у выбранае