Бізнес-навіны

Урад зацвердзіў комплекс мер па павелічэнні выкарыстання драўняных паліўных гранул

Фота з архiва

24 кастрычніка, Мінск /Кар. БЕЛТА/. Урад зацвердзіў комплекс мер па павелічэнні выкарыстання драўняных паліўных гранул (пелет). Гэта прадугледжана пастановай Савета Міністраў ад 23 кастрычніка 2023 года нумар 716, апублікаванай на Нацыянальным прававым інтэрнэт-партале, паведамляе БЕЛТА.

Згодна з дакументам, адказнымі за каардынацыю работы па выкананні комплексу мер у рамках сваіх кампетэнцый з'яўляюцца Міністэрства лясной гаспадаркі, Беларускі вытворча-гандлёвы канцэрн лясной, дрэваапрацоўчай і цэлюлозна-папяровай прамысловасці, Дэпартамент па энергаэфектыўнасці Дзяржаўнага камітэта па стандартызацыі.

Фінансаванне мерапрыемстваў комплексу мер будзе ажыццяўляцца за кошт сродкаў рэспубліканскага і мясцовых бюджэтаў, якія прадугледжваюцца ў рамках рэалізацыі дзяржаўных праграм, уласных сродкаў арганізацый - выканаўцаў комплексу мер, а таксама іншых крыніц.

У пастанове прапісана, што рэспубліканскім органам дзяржаўнага кіравання і іншым арганізацыям, падпарадкаваным ураду, аблвыканкамам і Мінскаму гарвыканкаму, трэба штогод да 15 лютага года, што ідзе за справаздачным, прадстаўляць у Дэпартамент па энергаэфектыўнасці Дзяржаўнага камітэта па стандартызацыі інфармацыю аб ходзе выканання комплексу мер.

Дзяржаўнаму камітэту па стандартызацыі штогод да 1 сакавіка года, што ідзе за справаздачным, інфармаваць Савет Міністраў аб ходзе выканання комплексу мер.

Кантроль за выкананнем комплексу мер ускладзены на Дзяржаўны камітэт па стандартызацыі.

версія для друку

зрабіць стартавай

дабавіць у выбранае