Бізнес-навіны

Уборку цукровых буракоў і кукурузы на зерне завяршылі ў Беларусі

Фота з архiва

18 лістапада, Мінск /Кар. БЕЛТА/. Аграрыі рэспублікі, паводле апошніх даных, накапалі больш за 5,119 млн т цукровых буракоў і нарыхтавалі амаль 2,4 млн т кукурузы на зерне, завяршыўшы тым самым уборку культур, расказалі карэспандэнту БЕЛТА ў Міністэрстве сельскай гаспадаркі і харчавання.

У Беларусі накапана больш за 5,119 млн т цукровых буракоў з сярэдняй ураджайнасцю па рэспубліцы 493 ц/га, убрана 103,9 тыс. га пасяўных плошчаў, што складае 100 працэнтаў плошчаў, якія падлягаюць уборцы. Работнікі аграпрамысловага комплексу Беларусі намалацілі таксама амаль 2,4 млн т зерня кукурузы, ураджайнасць склала 78,5 ц/га. Убрана 305,7 тыс. га пасяўных плошчаў, адведзеных пад кукурузу на зерне, або 100 працэнтаў ад плана.

Ва ўсіх катэгорыях гаспадарак на сёння намалочана каля 10,29 млн т збожжа з улікам рапсу. У лідарах па намалоце - работнікі АПК цэнтральнага рэгіёна краіны. У агульную скарбонку збожжа з улікам рапсу Мінская вобласць сабрала 2,8744 млн т, Гродзенская - 2,3059 млн т, Брэсцкая - 2,0788 млн т, Магілёўская - 1,1391 млн т, Гомельская - 1,0071 млн т, Віцебская - 882,1 тыс. т.

Разам з уборкай ураджаю прадаўжаюцца работы па нарыхтоўцы травяных кармоў. Усяго нарыхтавана звыш 9,5 млн т кармавых адзінак (97,2 працэнта да плана).

Вядуцца і падрыхтоўчыя работы да наступнай гарачай пары. У краіне ўзаралі больш за 1,144 млн га пад зябліва - 77,1 працэнта да плана: у Брэсцкай вобласці ўзарана 83,5 працэнта пад зябліва, Віцебскай - 72 працэнты, Гомельскай - 70,3 працэнта, Гродзенскай - 86,2 працэнта, Мінскай - 76,6 працэнта, Магілёўскай - 74,3 працэнта.

версія для друку

зрабіць стартавай

дабавіць у выбранае