Бізнес-навіны

"4 верасня на тэрыторыі былога "Лёнэкспа" мы збіраемся адкрыць Цэнтр імпартазамяшчэння. Наш губернатар зрабіў прапанову аб выдзяленні адпаведнага месца для таваравытворцаў з Беларусі", - адзначыў Сяргей Моўчан.

Ён падкрэсліў, што адносіны з Беларуссю былі і застаюцца адным з прыярытэтаў у знешнеэканамічнай і міжнароднай дзейнасці ўрада Санкт-Пецярбурга. Беларусь стабільна займае першае месца па аб'ёмах тавараабароту з Санкт-Пецярбургам сярод краін СНД. Па выніках 2014 года тавараабарот паміж Беларуссю і Санкт-Пецярбургам павялічыўся на 3 працэнты да $1,9 млрд і заняў 9-е месца сярод гандлёвых партнёраў горада на Няве.

Сярод станоўчых прыкладаў супрацоўніцтва віцэ-губернатар адзначыў паспяховую рэалізацыю інвестыцыйных праектаў канцэрна "Дзецкасельскі" ў Беларусі па стварэнні матэрыяльнай базы па перапрацоўцы і вытворчасці сельскагаспадарчай прадукцыі з далейшай пастаўкай у Санкт-Пецярбург. "За пяць месяцаў бягучага года прыватным унітарным сельскагаспадарчым прадпрыемствам "Дзецкасельскі гарадок" выраблена прадукцыі на суму 102,5 млн расійскіх рублёў, або 140,5 працэнта да ўзроўню мінулага года", - канстатаваў Сяргей Моўчан. Таксама развіваецца праграма навукова-тэхнічнага супрацоўніцтва паміж вышэйшымі навучальнымі ўстановамі, узаемадзеянне паміж ААТ "Інтэграл" і Кластарам медыцынскага, экалагічнага прыборабудавання і біятэхналогій у Санкт-Пецярбургу.

Асабліва віцэ-губернатар адзначыў высокі ўзровень узаемадзеяння паміж адміністрацыямі раёнаў Санкт-Пецярбурга і гарадамі і абласцямі Беларусі, а таксама ў рамках Саюзнай дзяржавы.

"Мы хацелі б запрасіць беларускіх партнёраў да ўдзелу ў рэалізацыі праекта будаўніцтва лагістычнага цэнтра сельскагаспадарчай прадукцыі ў Санкт-Пецярбургу. Вялікае мерапрыемства, якое прынясе вельмі добры эфект", - адзначыў Сяргей Моўчан.