Бізнес-навіны

У Беларусі завяршылі ўборку проса

Фота з архiва

29 верасня, Мінск /Кар. БЕЛТА/. У Беларусі завяршылі ўборку проса. Аб гэтым паведамілі БЕЛТА ў Міністэрстве сельскай гаспадаркі і харчавання.

На 29 верасня намалочана збожжа з улікам рапсу 7798,2 тыс. т, з іх 6757,7 тыс. т збожжавых і зернебабовых культур (з кукурузай).

Уборка кукурузы на зерне вядзецца ва ўсіх абласцях рэспублікі. Убрана 47,4 тыс. га плошчаў, а намалочана 366,7 тыс. т з ураджайнасцю 77,3 ц/га.

Сабрана зялёнай масы кукурузы 14 174,3 тыс. т.

Завяршылі ўборку грэчкі Брэсцкая, Гомельская і Мінская вобласці. Намалочана 47,5 тыс. т, ураджайнасць - 14,6 ц/га.

Проса ўбралі ўсе рэгіёны краіны: намалочана 19,5 тыс. т з ураджайнасцю 19,2 ц/га.

Нарыхтавана льнотрасты 117 тыс. т.

Сельгасарганізацыі ўбіраюць бульбу: накапана 461,6 тыс. т з ураджайнасцю 352,2 ц/га.

Таксама вядзецца ўборка цукровых буракоў: накапана 1306,5 тыс. т з ураджайнасцю 450,8 ц/га.

Азімыя збожжавыя на зерне пасеяны на 1070,6 тыс. га плошчаў (69,6 працэнта да плана), што перавышае паказчыкі мінулага года.

версія для друку

зрабіць стартавай

дабавіць у выбранае