Бізнес-навіны
У Беларусі прапануецца пашырыць пералік прадпрыемстваў для ўваходжання кітайскага капіталу
30 жніўня, Мінск /Вера Сяргеева - БЕЛТА/. У Беларусі прапануецца пашырыць пералік прадпрыемстваў для ўваходжання кітайскага капіталу. Аб гэтым карэспандэнту БЕЛТА паведаміў начальнік аддзела рэфармавання дзяржаўнай уласнасці Дзяржаўнага камітэта па маёмасці Юрый Трыч.
Пералік беларускіх арганізацый з папярэднімі ўмовамі ўваходжання кітайскіх інвестараў у іх акцыянерны капітал быў сфарміраваны ў пачатку 2017 года. Ён уключаў 20 акцыянерных таварыстваў, 2 дзяржаўныя прадпрыемствы і інвестыцыйны праект па будаўніцтве гідраэлектрастанцыі на рацэ Заходняя Дзвіна. У гэтым годзе быў рэалізаваны першы праект з прадпрыемствам з гэтага спіса. РУП "Інстытут Белдзяржпраект" было ператворана ў адкрытае акцыянернае таварыства з удзелам кітайскай кампаніі
Beijing JianYi Invesment Development (Group) Co.Ltd. Пазітыўныя змяненні ў рабоце гэтага прадпрыемства ўжо назіраюцца, у прыватнасці, пашыраецца партфель заказаў."Прапановы па ўключэнні ў пералік яшчэ пяці прадпрыемстваў паступілі ад органаў кіравання, у тым ліку ад Міністэрства архітэктуры і будаўніцтва, канцэрнаў "Беллегпрам", "Белдзяржхарчпрам". Будзем іх разглядаць на пасяджэнні беларускай часткі рабочай групы. У далейшым пасля разгляду на ўзроўні Адміністрацыі Прэзідэнта прапановы будуць накіроўвацца на вывучэнне кітайскаму боку", - расказаў Юрый Трыч.
Работа па пілотным пераліку абмяркоўвалася на праведзеным 24 жніўня ў Пекіне чацвёртым пасяджэнні камісіі па гандлёва-эканамічным супрацоўніцтве Беларуска-кітайскага міжурадавага камітэта па супрацоўніцтве. Асаблівая ўвага была таксама ўдзелена садзейнічанню развіццю Беларуска-кітайскага індустрыяльнага парка "Вялікі камень", інвестыцыйнаму і крэдытнаму супрацоўніцтву, патэнцыялу першай Кітайскай міжнароднай выстаўкі імпартных тавараў і паслуг. Разглядаецца магчымасць накіравання прадстаўнікоў беларускіх арганізацый у Кітай для вывучэння вопыту ўдасканалення дзейнасці дзяржаўных прадпрыемстваў.
версія для друку
зрабіць стартавай
дабавіць у выбранае