Бізнес-навіны

У Беларусі намалочана амаль 6,6 млн тон збожжа з улікам рапсу

Фота з архiва

21 жніўня, Мінск /Кар. БЕЛТА/. У Беларусі намалочана амаль 6,6 млн т збожжа з улікам рапсу, паведамілі БЕЛТА ў Міністэрстве сельскай гаспадаркі і харчавання.

На 21 жніўня ўбрана 88 працэнтаў збожжавых каласавых і зернебабовых культур і 88 працэнтаў рапсу. Усяго намалочана збожжа з улікам рапсу 6596 тыс. т, з іх 5663 тыс. т збожжавых каласавых і зернебабовых культур і больш за 933 тыс. т рапсу.

Паралельна з уборкай ідзе церабленне і нарыхтоўка лёну, ільнотрасты. Лён выцераблены на 97 працэнтах плошчаў. Прадаўжаюцца работы па ўборцы льнотрасты, сабрана каля 29 тыс. т.

Саломы, пасля ўборкі збожжавых каласавых і зернебабовых культур, убрана на 53 працэнты да скошаных плошчаў. Праведзена лушчэнне ржэўніку на 14 працэнтаў да ўбранай плошчы.

Ідзе падрыхтоўка глебы пад сяўбу азімага ўраджаю. Азімы рапс на зерне пасеяны на 85 працэнтах плошчаў. Гаспадаркі краіны ўбіраюць кукурузу на сілас. Сабрана зялёнай масы кукурузы 195 тыс.т.

версія для друку

зрабіць стартавай

дабавіць у выбранае