Бізнес-навіны

У Беларусі намалацілі больш за 1,9 млн тон збожжа з улікам рапсу

Фота з архiва

17 ліпеня, Мінск /Кар. БЕЛТА/. У Беларусі намалацілі больш за 1,9 млн т збожжа з улікам рапсу. Аб гэтым паведамілі БЕЛТА ў Міністэрстве сельскай гаспадаркі і харчавання.

У Беларусі на 17 ліпеня намалочана ўсяго збожжа (з улікам рапсу) 1,941 млн т, з іх 1,322 млн т збожжавых і зернебабовых культур, 619 тыс. т азімага рапсу.

У агульную скарбонку збожжа з улікам рапсу Брэсцкая вобласць сабрала 530,3 тыс. т, Мінская - 465 тыс. т, Гродзенская - 415,7 тыс. т, Гомельская - 271,1 тыс. т, Магілёўская - 181,5 тыс. т, Віцебская - 77,3 тыс. т. Усе вобласці, акрамя Віцебскай (82,5 працэнта), ужо завяршылі ўборку азімага ячменю.

Паралельна з уборкай ідзе церабленне лёну. Выцераблена 15,1 тыс. га (33,8 працэнта падлягаючай уборцы плошчы).

Саломы пасля ўборкі збожжавых каласавых і зернебабовых культур убрана на 60,8 працэнта да скошанай плошчы.

Разам з уборкай ураджаю прадаўжаюцца работы па нарыхтоўцы травяных кармоў. Усяго нарыхтавана 3,160 млн т кармавых адзінак (32,2 працэнта да плана).

Пастаўлена задача перад аграрыямі максімальна нарыхтаваць і ўнесці арганічныя ўгнаенні ў летне-асенні перыяд. Усяго на палі пад сяўбу азімых культур вывезена 11,1 млн т (87,4 працэнта да нарыхтаванага), унесена 1,78 млн т (14,1 працэнта да нарыхтаванага).

версія для друку

зрабіць стартавай

дабавіць у выбранае