Бізнес-навіны

У Беларусі намалацілі амаль 5,4 млн тон збожжа з улікам рапсу

Фота з архiва

14 жніўня, Мінск /Кар. БЕЛТА/. У Беларусі намалацілі 5386,9 тыс. т збожжа з улікам рапсу. Аб гэтым паведамілі БЕЛТА ў прэс-службе Міністэрства сельскай гаспадаркі і харчавання.

Паводле даных на 14 жніўня, збожжавыя і зернебабовыя культуры (без кукурузы, грэчкі, проса) убраны з 1317 тыс. га, або 68,7 працэнта да ўборачнай плошчы. Намалочана 4461,5 тыс. т збожжа пры сярэдняй ураджайнасці 33,9 ц/га.

Азімы рапс на зерне ўбраны з 325,9 тыс. га (99,4 працэнта да ўборачнай плошчы), намалочана 925,4 тыс. т пры сярэдняй ураджайнасці 28,4 ц/га.

Лён выцераблены на 36,4 тыс. га, што складае 83,4 працэнта ўборачнай плошчы. Паднята льнотрасты на 5,17 тыс. га (11,8 працэнта да ўборачнай плошчы).

версія для друку

зрабіць стартавай

дабавіць у выбранае