Бізнес-навіны

У Беларусі бульбу пасадзілі больш як на 95 працэнтах плошчаў

Фота з архiва

22 мая, Мінск /Кар. БЕЛТА/. У Беларусі бульбу пасадзілі на 95,5 працэнта плошчаў. Аб гэтым паведамілі БЕЛТА ў Міністэрстве сельскай гаспадаркі і харчавання.

Яравыя культуры пасеяны на 2124,3 тыс. га - 89,8 працэнта ад запланаваных аб'ёмаў. Грэчку пасеялі на 22,1 тыс. га (63,5 працэнта), проса - на 6,19 тыс. га (62,5 працэнта), яравы рапс - на 48,7 тыс. га (79 працэнтаў).

Кукурузу пасеялі на 1068,5 тыс. га (87,2 працэнта ад плана), у тым ліку на сілас - на 82,6 працэнта. Бульбу пасадзілі на 16 тыс. га (95,5 працэнта), агароднінныя культуры - на 4,26 тыс. га (84,8 працэнта). Завершана сяўба лёну, цукровых буракоў і ранніх збожжавых.

Аднагадовымі травамі засеяна 181,1 тыс. га (74,1 працэнта). Першы ўкос траў праведзены на 255,7 тыс. га (18,2 працэнта да плана).

версія для друку

зрабіць стартавай

дабавіць у выбранае