Бізнес-навіны

Цюменская вобласць выказала зацікаўленасць у далейшым супрацоўніцтве з МАЗам

Фота МАЗ

21 лютага, Мінск /Кар. БЕЛТА/. Цюменская вобласць выказала зацікаўленасць у далейшым супрацоўніцтве з МАЗам. Аб гэтым паведамілі БЕЛТА ў прэс-службе прадпрыемства.

Дэлегацыя Цюменскай вобласці Расійскай Федэрацыі на чале з намеснікам губернатара Уладзімірам Чайметавым наведала Мінскі аўтамабільны завод. Госці азнаёміліся з работай аўтазборачнай вытворчасці і ўзорамі тэхнікі МАЗ, а за сталом перагавораў бакі выказалі ўзаемную зацікаўленасць у далейшым супрацоўніцтве.

Мінскі аўтамабільны завод - адно з буйнейшых машынабудаўнічых прадпрыемстваў, якое спецыялізуецца на выпуску велікагрузных аўтамабіляў, спецтэхнікі, аўтобусаў, тралейбусаў і прычапной тэхнікі. Прадукцыя адпавядае экалагічным стандартам Еўра-3, 4, 5 і 6. З канвеера завода сыходзяць седлавыя цягачы, бартавыя аўтамабілі, шасі пад устаноўку рознага спецабсталявання - усяго больш за 500 мадэлей і 3 тыс. мадыфікацый.

версія для друку

зрабіць стартавай

дабавіць у выбранае