Бізнес-навіны

Тэхнікай "АМКАДОР" зацікавіліся ва Удмурцкай Рэспубліцы

Фота з архiва

23 сакавіка, Мінск /Кар. БЕЛТА/. Тэхнікай "АМКАДОР" зацікавіліся ва Удмурцкай Рэспубліцы, паведамілі БЕЛТА ў прэс-службе беларускага прадпрыемства.

Кіраўніцтва холдынга "АМКАДОР" правяло перагаворы з намеснікам кіраўніка адміністрацыі Іжэўска па жыллёва-камунальнай гаспадарцы і будаўніцтве Уладзімірам Гуляевым. На сустрэчы прысутнічалі прадстаўнікі Міністэрства будаўніцтва, ЖКГ і энергетыкі, а таксама Міністэрства транспарту і дарожнай гаспадаркі Удмурцкай Рэспублікі. У рамках візіту былі разгледжаны пытанні супрацоўніцтва.

Вялікі інтарэс да сельскагаспадарчай тэхнікі "АМКАДОР" выявіўся і ў ходзе сустрэчы з міністрам сельскай гаспадаркі і харчавання Удмурцкай Рэспублікі Міхаілам Юдзіным. Дэталёвыя планы па далейшым супрацоўніцтве будуць разгледжаны ў ходзе яго візіту на стэнд кампаніі "АМКАДОР" у рамках міжнароднай спецыялізаванай выстаўкі "БЕЛАГРА-2023".

У гэтым годзе кампаніі "АМКАДОР" споўнілася 96 гадоў. У склад сучаснага холдынга ўваходзяць дзясяткі заводаў, якія выпускаюць больш як 6,5 тыс. найменняў таварнай прадукцыі, у тым ліку 135 мадэлей і мадыфікацый спецыяльнай і сельскагаспадарчай тэхнікі.

версія для друку

зрабіць стартавай

дабавіць у выбранае