Бізнес-навіны

Тавараабарот Беларусі і Расіі ў першым паўгоддзі 2024 года склаў $25,1 млрд

Фота з архiва

21 жніўня, Мінск /Кар. БЕЛТА/. Тавараабарот Беларусі і Расіі ў першым паўгоддзі 2024 года склаў $25,1 млрд. Аб гэтым на прэс-канферэнцыі расказаў намеснік старшыні Белстата Цімафей Жыгараў, паведамляе карэспандэнт БЕЛТА.

У першым паўгоддзі 2024 года знешні гандаль таварамі з Расійскай Федэрацыяй характарызуецца дадатнай дынамікай, адзначыў Цімафей Жыгараў. "Тавараабарот склаў $25,1 млрд і ў параўнанні з першым паўгоддзем 2023 года вырас на 6,4 працэнта. Пры гэтым экспарт вырас на 0,4 працэнта да $12,6 млрд", - расказаў ён.

Аснову экспарту ў Расійскую Федэрацыю - практычна 97 працэнтаў - склала прадукцыя апрацоўчай прамысловасці.

"Мы павялічылі аб'ёмы экспарту харчовай прадукцыі - рост адзначаецца на 8,4 працэнта, таксама вырас экспарт вылічальнай, электроннай і аптычнай апаратуры на 13,1 працэнта, транспартных сродкаў і абсталявання на 5,3 працэнта", - адзначыў намеснік старшыні Белстата.

версія для друку

зрабіць стартавай

дабавіць у выбранае