Бізнес-навіны

Стварыць новыя магчымасці для бізнесу. НАІП будзе супрацоўнічаць з Маскоўскай ГПП

Фота з архiва

13 верасня, Мінск /Кар. БЕЛТА/. Нацыянальнае агенцтва інвестыцый і прыватызацыі Беларусі і Маскоўская гандлёва-прамысловая палата падпісалі мемарандум аб супрацоўніцтве ў мэтах стварэння новых магчымасцей для бізнесу Беларусі і Масквы. Дакумент змацавалі подпісамі дырэктар агенцтва Дзмітрый Красоўскі і прэзідэнт Маскоўскай гандлёва-прамысловай палаты Уладзімір Платонаў, паведамілі БЕЛТА ў НАІП.

Дэлегацыя прыехала ў Мінск з дзелавым візітам на Міжнародны форум эканамічнага супрацоўніцтва, прымеркаваны да Дня горада Мінска.

"Мэта сустрэчы ў НАІП - знаёмства і абмен вопытам. Зрэшты, аказалася, масквічы ўжо нядрэнна знаёмыя з інструментамі агенцтва, у тым ліку дарожнай картай інвестара. Знайшліся і агульныя знаёмыя - кампаніі, якім маскоўскія калегі рэкамендавалі прыгледзецца да інвестыцыйных магчымасцей Беларусі. У гэтым напрамку і пойдзе далейшае супрацоўніцтва: садзейнічанне кааперацыі, інвестыцыям, сумесныя мерапрыемствы", - адзначылі ў НАІП.

Сёння на палях форуму Дзмітрый Красоўскі правёў перагаворы з прадстаўнікамі Hi-Tech-кампаній, якія прыехалі ў складзе дэлегацыі Маскоўскай ГПП.

версія для друку

зрабіць стартавай

дабавіць у выбранае