Бізнес-навіны

Стаўка рэфінансавання з 3 красавіка зніжаецца да 10,5 працэнта гадавых

Фота з архiва

24 сакавіка, Мінск /Кар. БЕЛТА/. Стаўка рэфінансавання з 3 красавіка зніжаецца да 10,5 працэнта гадавых, паведамілі БЕЛТА ў прэс-службе Нацыянальнага банка Беларусі.

Стаўка рэфінансавання зніжаецца з 11 працэнтаў да 10,5 працэнта. Стаўка па крэдыце авернайт - з 12 працэнтаў да 11,5 працэнта гадавых, а стаўка па дэпазіце авернайт - з 10 працэнтаў да 9,5 працэнта гадавых. Адпаведныя рашэнні прыняты праўленнем Нацыянальнага банка 24 сакавіка па выніках пасяджэння па грашова-крэдытнай палітыцы.

"Інфляцыя прадаўжае фарміравацца паблізу чаканай траекторыі. У лютым 2023 года гадавы прырост спажывецкіх цэн запаволіўся да 11,7 працэнта пры 12 працэнтах на месяц раней. Трэндавая інфляцыя таксама дэманструе ўстойлівую дынаміку да запаволення. У лютым 2023 года яна склала 8,9 працэнта пры 9,2 працэнта ў папярэднім месяцы. Пасля выхаду ў сакавіку 2023 года гадавога паказчыка інфляцыі на адназначную велічыню тэндэнцыя запаволення тэмпаў росту спажывецкіх цэн прадоўжыцца і ў другім квартале 2023 года", - адзначылі ў Нацбанку.

Таксама паведамляецца, што па-ранейшаму захаваецца шэраг праінфляцыйных рызык, дынаміка якіх патрабуе павышанай увагі. Сярод іх - узровень інфляцыйных чаканняў, інтэнсіўнасць ажыццяўлення зберажэнняў у нацыянальнай валюце, а таксама паскораны рост актыўнага складніка грашовай масы. "Цяпер гэтыя рызыкі ацэньваюцца як умераныя", - падкрэслілі ў Нацбанку.

Наступныя рашэнні па стаўцы рэфінансавання Нацбанк будзе прымаць з улікам фактычнай і чаканай дынамікі інфляцыі, а таксама ацэньваючы рызыкі з боку ўнутраных і знешніх умоў і рэакцыі на іх фінансавых рынкаў.

версія для друку

зрабіць стартавай

дабавіць у выбранае