Бізнес-навіны
Снапкоў: Партфель дамоўленасцей па выніках візіту Сі Цзіньпіна складае амаль $18 млрд
13 мая, Мінск /Кар. БЕЛТА/. Партфель дамоўленасцей па выніках дзяржаўнага візіту Старшыні Кітайскай Народнай Рэспублікі Сі Цзіньпіна складае амаль $18 млрд. Аб гэтым заявіў намеснік кіраўніка Адміністрацыі Прэзідэнта Мікалай Снапкоў у эфіры "Беларусь 1", паведамляе БЕЛТА.
Паводле слоў намесніка кіраўніка Адміністрацыі Прэзідэнта, Беларусь і Кітай у час візіту Сі Цзіньпіна падпісана амаль 50 пагадненняў і мемарандумаў, пачынаючы з дагавора аб дружбе і заканчваючы міжбанкаўскім пагадненнем.
"Мяркуем, што сума $18 млрд не з'яўляецца канчатковай кропкай", - адзначыў Мікалай Снапкоў.
Гаворачы аб Кітайска-беларускім індустрыяльным парку "Вялікі камень", Мікалай Снапкоў дадаў, што яшчэ ў 2010 годзе Аляксандр Лукашэнка і Сі Цзіньпін вызначылі неабходнасць яго будаўніцтва. "У рамках дзяржаўнага візіту Старшыні Кітайскай Народнай Рэспублікі было аб'яўлена, што "Вялікі камень" з'яўляецца жамчужынай кітайскай канцэпцыі "Пояс і шлях", - сказаў намеснік кіраўніка Адміністрацыі Прэзідэнта. - Беларусь са сваёй развітой інфраструктурай - чыгуначнай, аўтамабільнай - гатова забяспечваць транзіт. Больш таго, у кантэксце сумеснага развіцця з Кітаем канцэпцыі "Эканамічны пояс Шаўковага шляху" Беларусь павінна быць лагістычным хабам".
версія для друку
зрабіць стартавай
дабавіць у выбранае