Бізнес-навіны

Снапкоў абмеркаваў з паслом Кітая будаўніцтва Нацыянальнага футбольнага стадыёна ў Мінску

Фота прэс-службы Савета Міністраў

17 лістапада, Мінск /Кар. БЕЛТА/. Першы намеснік прэм'ер-міністра Беларусі Мікалай Снапкоў і Надзвычайны і Паўнамоцны Пасол КНР у Беларусі Се Сяаюн наведалі будаўнічыя пляцоўкі Нацыянальнага футбольнага стадыёна і басейна міжнароднага стандарту, азнаёміліся з ходам будаўніцтва спартыўных аб'ектаў і абмеркавалі актуальныя пытанні рэалізацыі праектаў, паведамілі карэспандэнту БЕЛТА ў прэс-службе.

Будаўніцтва такіх маштабных спартыўных аб'ектаў міжнароднага класа ў Мінску з'яўляецца вынікам асабістай дамоўленасці Прэзідэнта Беларусі Аляксандра Лукашэнкі са Старшынёй КНР Сі Цзіньпінам. Стадыён і басейн узводзяцца ў рамках бязвыплатнай тэхніка-эканамічнай дапамогі ўрада Кітая. Аб'ём дапамогі складзе каля $250 млн. На гэтых аб'ектах будуць праводзіцца чэмпіянаты Еўропы і свету, адборачныя матчы Лігі чэмпіёнаў УЕФА і Лігі Еўропы. На стадыёне можа быць арганізаваны матч Суперкубка УЕФА. Праекты тэхніка-эканамічнай дапамогі паспяхова рэалізуюцца.

Будаўніцтва пачалося ў жніўні 2020 года. У ходзе наведвання абмеркаваны лінейныя графікі будаўніцтва і перспектывы на 2024 год. Увод аб'ектаў у эксплуатацыю плануецца ў трэцім квартале 2024-га.

Мікалай Снапкоў заявіў, што беларускі бок выконвае дамоўленасці па прыярытэтных праектах і пацвярджае гатоўнасць аказваць усебаковае садзейнічанне рабоце кітайскіх кіраўнікоў і генпадрадных арганізацый.

версія для друку

зрабіць стартавай

дабавіць у выбранае