Бізнес-навіны
Славенская кампанія "Рыка" і "Мінскэнерга" падпісалі пагадненне аб супрацоўніцтве ў электраэнергетыцы
29 верасня, Мінск /Аліна Грышкевіч - БЕЛТА/. Славенская кампанія "Рыка" і "Мінскэнерга" сёння ў Мінску падпісалі пагадненне аб перспектыўным супрацоўніцтве пры рэалізацыі праектаў у галіне электраэнергетыкі ў Беларусі, перадае карэспандэнт БЕЛТА.
Дакумент заключаны ў МЗС Беларусі па выніках праведзенага напярэдадні пятага пасяджэння беларуска-славенскай сумеснай камісіі па гандлёва-эканамічным і навукова-тэхнічным супрацоўніцтве.
Як адзначыў генеральны дырэктар "Рыка" Янез Шкрабец, яго кампанія з'яўляецца самай вялікай інжынірынгавай кампаніяй у Славеніі, і яна даўно супрацоўнічае з беларускімі партнёрамі. У адпаведнасці з новым дакументам прадугледжваецца больш актыўны ўдзел "Рыка" ў мадэрнізацыі і будаўніцтве новых падстанцый у Мінску.
Янез Шкрабец запэўніў, што "Рыка" мае намер прыцягнуць самыя сучасныя еўрапейскія тэхналогіі для праектаў у галіне электраэнергетыкі ў Беларусі. Да таго ж славенцы плануюць задзейнічаць шмат беларускіх партнёраў.
Кіраўнік "Рыка" высока ацаніў перспектывы стварэння ў Беларусі АЭС, дзе будуць прымяняцца самыя сучасныя тэхналогіі. Ён таксама расказаў, што ў Славеніі амаль 30 гадоў функцыянуе АЭС, і славенцы гатовы перадаваць свой вопыт беларускім калегам у галіне як электра-, так і атамнай энергетыкі.
версія для друку
зрабіць стартавай
дабавіць у выбранае