Бізнес-навіны

Сельгасарганізацыі ў 2021 годзе атрымалі больш за 7,588 млн т малака

Фота з архiва

8 лютага, Мінск /Кар. БЕЛТА/. У сельгасарганізацыях Беларусі па выніках 2021 года атрымалі больш за 7,588 млн т малака. Гэта на 1,1 працэнта больш, чым у 2020 годзе, паведамляе БЕЛТА са спасылкай на афіцыйны Telegram-канал Мінсельгасхарча.

Пры гэтым па прыросце лідзіруе Магілёўская вобласць, там сельгасарганізацыі павялічылі вытворчасць малака на 3,6 працэнта.

"Самая вялікая валавая вытворчасць малака зафіксавана ў Мінскай вобласці - 1,987 млн т. Па сярэднім надоі ад каровы лідзіруе Брэсцкая вобласць - 6569 кг. Для параўнання: у сярэднім надоена 5412 кг", - адзначылі ў ведамстве.

Паводле даных Мінсельгасхарча, на долю сельгасарганізацый прыпадае 97 працэнтаў атрыманага ў краіне малака.

версія для друку

зрабіць стартавай

дабавіць у выбранае