Бізнес-навіны

Саўмін зацвердзіў праектную дакументацыю БелАЭС

29 снежня, Мінск /Кар. БЕЛТА/. Савет Міністраў зацвердзіў праектную дакументацыю па будаўніцтве Беларускай АЭС. Гэта прадугледжана пастановай нумар 1101 ад 29 снежня 2016 года, паведамілі БЕЛТА ў прэс-службе беларускага ўрада.

Пастановай, якая ўступае ў сілу з дня яе прыняцця, зацверджаны архітэктурны праект "Беларуская АЭС" (зводка затрат) папярэдняй каштарыснай вартасцю: 56,111 млрд расійскіх рублёў у цэнах 2001 года, Br2,9 трлн у цэнах 2006 года, $340,86 млн.

Гэтыя сродкі размеркаваны на будаўніцтва аб'ектаў АЭС, падрыхтоўчы перыяд, вытворчую базу АЭС, аб'яднаную піянерную вытворчую базу, падстанцыю 110/10 кВ "Вілія", чыгуначную лінію да АЭС, аўтамабільную дарогу ад Р-45 (Газа) - АЭС - Астравец, аўтамабільную дарогу "Паўднёва-ўсходні абход г. Астравец" з выхадам на аўтамабільную дарогу М-7 Мінск - Ашмяны - граніца Літвы, расходы на выкананне праектна-разведвальных работ і аўтарскага нагляду па пазапляцовачных інжынерных сетках, аб'екты жыллёвага фонду, сацыяльнага, бытавога і культурнага прызначэння, выдачу магутнасці і сувязь з энергасістэмай.

версія для друку

зрабіць стартавай

дабавіць у выбранае