Бізнес-навіны

6 красавіка, Мінск /Кар. БЕЛТА/. Намеснік міністра замежных сраў Валянцін Рыбакоў 5 красавіка ў час візіту ў Нігерыю правёў шэраг сустрэч, дзе абмеркаваў сумесныя праекты ў прамысловасці і ўдзел Беларусі ў механізацыі нігерыйскага АПК. Аб гэтым БЕЛТА паведамілі ў прэс-службе беларускага знешнепалітычнага ведамства.

Так, намеснік міністра сустрэўся з дзяржаўным міністрам прамысловасці і інвестыцый Нігерыі. "Бакі абмеркавалі рэалізацыю сумесных праектаў у галіне прамысловасці, уключаючы стварэнне зборачных вытворчасцей беларускай тэхнікі, была таксама дасягнута дамоўленасць аб правядзенні ў бягучым годзе візіту ў Беларусь дэлегацыі прадстаўнікоў бізнес-колаў Нігерыі", - праінфармавалі ў прэс-службе МЗС.

У той жа дзень адбылася сустрэча кіраўніка беларускай дэлегацыі з пастаянным сакратаром Міністэрства сельскай гаспадаркі і развіцця сельскіх тэрыторый Нігерыі. "Асаблівая ўвага была ўдзелена ўдзелу Беларусі ў маштабнай праграме па механізацыі аграрнага сектара Нігерыі", - адзначылі ў прэс-службе.

У гандлёва-прамысловай палаце горада Абуджа адбылася прэзентацыя экспартнага патэнцыялу Беларусі. Акрамя афіцыйнай часткі беларускай дэлегацыі ў мерапрыемстве таксама прынялі ўдзел прадстаўнікі ААТ "МАЗ", ААТ "Гомсельмаш", ААТ "МТЗ", дылеры іншых беларускіх прадпрыемстваў, кіраўнікі шэрага найбольш уплывовых нігерыйскіх бізнес-структур. Віцебскае аддзяленне БелГПП і ГПП Абуджы падпісалі мемарандум аб супрацоўніцтве.