Бізнес-навіны

Рост ВУП і даходаў насельніцтва. Галоўчанка падвёў вынікі работы эканомікі

15 лістапада, Мінск /Кар. БЕЛТА/. Прэм'ер-міністр Беларусі Раман Галоўчанка падвёў вынікі работы эканомікі за студзень-верасень у час пасяджэння Савета Міністраў, перадае карэспандэнт БЕЛТА.

"У парадку дня - вынікі сацыяльна-эканамічнага развіцця Беларусі за 9 месяцаў бягучага года. За студзень - верасень 2023 года ВУП вырас на 3,5 працэнта ў выніку захавання аднаўленчай дынамікі ў асноўных галінах, у верасні (у гадавым выражэнні) - на 6,2 працэнта. Усе рэгіёны ўнеслі станоўчы ўклад у прырост ВУП. Драйверам застаецца Мінская вобласць", - сказаў Раман Галоўчанка.

Важнейшы якасны паказчык - рэальныя наяўныя даходы насельніцтва - павялічыўся за студзень-жнівень на 5,1 працэнта. Акрамя таго, у верасні выйшлі на ўзровень заработнай платы ў памеры Br1940 (рост у рэальным выражэнні - на 10,1 працэнта). Паступальна вырашаецца задача павышэння ўзроўню даходаў у бюджэтнай сферы.

"У знешнім гандлі захоўваецца збалансаванасць. Прынятыя сумесна з Нацыянальным банкам меры далі магчымасць захаваць у прымальных параметрах узровень інфляцыі - 104,3 працэнта да снежня мінулага года", - адзначыў прэм'ер-міністр.

Міністр эканомікі Аляксандр Чарвякоў у гутарцы з журналістамі расказаў аб выніках знешняга гандлю. "Сальда знешняга гандлю таварамі і паслугамі ў нас дадатнае. Гэта значыць, што механізмы, якія мы прымяняем для нарошчвання экспартных паставак, спрацоўваюць", - падкрэсліў ён.

версія для друку

зрабіць стартавай

дабавіць у выбранае