Бізнес-навіны

28 верасня, Мінск /Юлія Огнева - БЕЛТА/. Рэзідэнтамі Кітайска-беларускага індустрыяльнага парка "Вялікі камень" у бліжэйшы час плануе стаць пяць кампаній. Аб гэтым паведаміў сёння журналістам кіраўнік дзяржаўнай установы "Адміністрацыя Кітайска-Беларускага індустрыяльнага парка "Індустрыяльны парк "Вялікі камень" Андрэй Галь, перадае карэспандэнт БЕЛТА.

"З 14 кампаній, якія падпісалі пагадненне аб намерах, мы цесна працуем з пяццю. У бліжэйшы час яны зарэгіструюцца. Яны рухаюцца наперад у частцы вывучэння пытанняў, якія неабходна завяршыць, каб стаць рэзідэнтамі. Для іх падабраны зямельныя ўчасткі, усе рэзідэнты ведаюць аб умовах, на якіх яны прадастаўляюцца", - адзначыў Андрэй Галь.

Таксама ён расказаў аб беларускім рэзідэнце парка - кампаніі "НанаПекцін". Мяркуецца, што будзе пабудаваны завод па вытворчасці лёгказасваяльнай абалонкі для лекавых прэпаратаў з мясцовай сыравіны, перш за ўсё яблыкаў. "Усяго чатыры краіны ў свеце выпускаюць пекцін у даволі вялікіх аб'ёмах. Пакцін таргуецца на біржы - як золата, нафта. Спадзяюся, што патрэбнасць Беларусі будзе закрывацца, усё астатняе, безумоўна, будзе прадавацца на знешніх рынках", - растлумачыў Андрэй Галь.