Бізнес-навіны

Развіццё інвестыцыйнай структуры Беларусі абмяркуюць у Магілёве ў пачатку красавіка

30 сакавіка, Магілёў /Кар. БЕЛТА/. У Магілёве на базе СЭЗ "Магілёў" 1-2 красавіка пройдзе рэспубліканская канферэнцыя "Актуальныя пытанні развіцця і ўзаемадзеяння элементаў інвестыцыйнай структуры Беларусі", паведамілі БЕЛТА ў адміністрацыі свабоднай эканамічнай зоны "Магілёў".

"Цяпер сусветная эканоміка перажывае значную рэцэсію, пры гэтым упершыню за ўсю гісторыю чалавецтва асноўным трыгерам глабальнага эканамічнага спаду стала эпідэміялагічная пагроза. Эканоміка Беларусі, цесна звязаная з сусветнай эканомікай, таксама зведала ўплыву шэрага негатыўных фактараў, якія ўздзейнічаюць на агульную эфектыўнасць работы ўсёй інфраструктуры нашай краіны, - адзначылі ў адміністрацыі СЭЗ "Магілёў". - Узнікла неабходнасць каардынацыі дзеянняў усіх нацыянальных суб'ектаў інвестыцыйнага працэсу, таму было прынята рашэнне стварыць універсальную дыялогавую пляцоўку".

У час работы тэматычных секцый канферэнцыі будуць разглядацца пытанні выпрацоўкі агульных падыходаў да разумення функцый і кампетэнцый кожнага элемента інвестыцыйнай інфраструктуры Беларусі. Таксама будуць структураваны магчымыя мадэлі міжведамаснага супрацоўніцтва на ўсіх этапах інвестыцыйнага працэсу. У падагульняючай рэзалюцыі канферэнцыі выкладуць калектыўна сфарміраваныя практычныя рэкамендацыі і канцэптуальныя падыходы да вырашэння праблем развіцця інвестыцыйнай інфраструктуры краіны.

Удзельнікі канферэнцыі змогуць абмяняцца вопытам і ведамі ў сферы сучасных метадаў камунікацый і прыцягнення інвестараў да рэалізацыі новых інвестыцыйных праектаў. Адбудуцца азнаямленчыя візіты ў кампаніі-рэзідэнты і на інвестыцыйныя пляцоўкі ўчастка нумар 4 СЭЗ "Магілёў".

"Удзел у канферэнцыі шырокага кола прадстаўнікоў кіраўніцтва і экспертаў органаў дзяржаўнай улады, галіновых ведамстваў і арганізацый, дзейнасць якіх накіравана на развіццё інвестыцыйнай і дзелавой актыўнасці ў Беларусі, створыць усе перадумовы для правядзення канструктыўнага дыялогу і прыняцця канцэптуальных рашэнняў па самых актуальных пытаннях эканамічнага развіцця нашай краіны ў наступнай пяцігодцы", - адзначылі арганізатары.

версія для друку

зрабіць стартавай

дабавіць у выбранае