Бізнес-навіны

Распрацоўка беспілотнай тэхнікі і будаўніцтва: аб чым гаварыў Галоўчанка з мэрам Масквы

Фота з архiва

19 снежня, Масква /Кар. БЕЛТА/. Прэм'ер-міністр Беларусі Раман Галоўчанка ў час візіту ў расійскую сталіцу правёў сустрэчу з мэрам Масквы Сяргеем Сабяніным, паведамілі карэспандэнту БЕЛТА ў прэс-службе ўрада.

У ходзе перагавораў абмеркаваны шырокі спектр пытанняў узаемадзеяння Беларусі і расійскай сталіцы з акцэнтам на далейшае развіццё гандлёва-эканамічнага супрацоўніцтва і прамысловую кааперацыю.

Асаблівую ўвагу ўдзялілі абмену вопытам у інавацыйных галінах эканомікі: ІТ-сферы, распрацоўцы беспілотнай тэхнікі. "Амкадор" і маскоўскі аўтазавод "Масквіч" ужо сумесна распрацоўваюць лінейку камунальнай тэхнікі на электрычнай цязе з магчымасцю дыстанцыйнага кіравання, паступовым пераходам на беспілотнае кіраванне.

Асобна абмеркавалі магчымасці прыцягнення беларускіх арганізацый да праектавання і будаўніцтва аб'ектаў у расійскай сталіцы (у тым ліку ў рамках праграмы рэнавацыі жылля).

Субяседнікі сышліся на думцы, што для дасягнення пастаўленых задач неабходна актуалізаваць фармат работы Савета дзелавога супрацоўніцтва Беларусі і Масквы і базавае пагадненне аб супрацоўніцтве, заключанае яшчэ ў 1995 годзе. Яны дамовіліся ўжо ў бліжэйшы час пачаць адпрацоўку канкрэтных сумесных праектаў і ўзгаднілі графік далейшых кантактаў.

Па выніках 10 месяцаў тавараабарот паміж Беларуссю і Масквой склаў $5,1 млрд і вырас да аналагічнага перыяду мінулага года на 21 працэнт.

версія для друку

зрабіць стартавай

дабавіць у выбранае