Бізнес-навіны

"Расійскі нацыянальны банкаўскі форум - сумесны праект Асацыяцыі расійскіх банкаў і Нацыянальнага банкаўскага клуба, якому ў 2015 годзе спаўняецца 9 гадоў. Традыцыйна форум праходзіў у Балканах - у Чарнагорыі і Харватыі, аднак, зыходзячы з цяперашніх геапалітычных рэалій, у гэтым годзе вырашана правесці форум у Мінску", - расказалі ў асацыяцыі.

Тэма мерапрыемства - "Еўразійскі эканамічны саюз: пытанні ўзаемадзеяння банкаў і рэгулятараў". У форуме прымуць удзел прадстаўнікі органаў дзяржаўнай улады і кіравання, інтэграцыйных аб'яднанняў, цэнтральных банкаў, міністэрстваў і ведамстваў, а таксама банкаў ЕАЭС.

Плануецца, што ўдзельнікі мерапрыемства абмяркуюць у тым ліку ролю банкаўскай сістэмы Расіі ў эканамічным развіцці прасторы ЕАЭС, праблемы і перспектывы рэгулявання дзейнасці крэдытных арганізацый на прасторы саюза. Таксама будуць разгледжаны тэмы валютна-фінансавай інтэграцыі ў Еўразійскім эканамічным саюзе і пашырэння выкарыстання нацыянальных валют краін СНД у двухбаковых разліках.