Бізнес-навіны

Рагожнік: рост прамысловай вытворчасці ў 2023 годзе перасягне 12 працэнтаў

Аляксандр Рагожнік. Фота з архiва

26 снежня, Мінск /Кар. БЕЛТА/. Практычна няма сумненняў, што тэмп росту прамысловай вытворчасці ў 2023 годзе перасягне 112 працэнтаў. Аб гэтым у інтэрв'ю часопісу "Экономика Беларуси" заявіў міністр прамысловасці Аляксандр Рагожнік.
 
"Самым галоўным вынікам года, відаць, можна назваць той факт, што ў Беларусі закладзены новы інвестыцыйны цыкл развіцця прамысловасці. Толькі па гэтым годзе на інвестыцыі будзе накіравана каля Br1 млрд. Рэалізуецца 65 інвестпраектаў у розных гарадах краіны. Без перабольшання можна сказаць, што прадпрыемствы Мінпрама сёння адстойваюць тэхналагічны суверэнітэт краіны", - падкрэсліў Аляксандр Рагожнік.

На думку міністра, беларуская прамысловасць прайшла перыяд знешняга націску практычна без страт, адаптавалася да санкцыйных шокаў і паспяхова замясціла страчаныя рынкі збыту. "Маем значны рост вытворчасці практычна ўсёй наменклатуры выпускаемай прадукцыі: аўтамабіляў, камбайнаў, тэлевізараў, мікрахвалевых печаў, грузавой тэхнікі, аўтобусаў, электробусаў. Выконваем і нават перавыконваем даведзеныя галіны паказчыкі", - канстатаваў кіраўнік міністэрства.

Прадпрыемствы Мінпрама на фоне няпростай геапалітычнай сітуацыі паказваюць дастойныя вынікі: аб'ём вытворчасці за 2021-2023 гады вырас у 1,4 раза, экспарт - у 1,7 раза.

версія для друку

зрабіць стартавай

дабавіць у выбранае