Бізнес-навіны

Пытанні развіцця міжнароднага лізінгу ўрэгуляваны ў Беларусі

15 студзеня, Мінск /Кар. БЕЛТА/. Развіццё дзейнасці ў сферы міжнароднага лізінгу ўрэгулявана ўказам нумар 16 "Аб развіцці міжнароднага лізінгу", які падпісаў Прэзідэнт Беларусі Аляксандр Лукашэнка. Аб гэтым БЕЛТА паведамілі ў прэс-службе беларускага лідара.

Прынятым указам па аналогіі з парадкам, устаноўленым указам ад 27 сакавіка 2008 года нумар 178 для знешнегандлёвых аперацый, павялічаны з 90 да 180 каляндарных дзён тэрмін, на працягу якога лізінгадавец абавязаны забяспечыць паступленне лізінгавых плацяжоў па дагаворы; вяртанне прадмета лізінгу ў Рэспубліку Беларусь у выпадку спынення (у тым ліку скасавання) дагавора міжнароднага лізінгу.

Заменены прынцып, які дзейнічаў раней, прыпынення і аднаўлення тэрмінаў выканання абавязкаў па паступленні лізінгавых плацяжоў і вяртанні прадмета лізінгу на прынцып спынення і вылічэння нанова гэтых тэрмінаў, а таксама вызначаны пералік падстаў, якія дазваляюць ажыццявіць гэта.

Гэтыя новаўвядзенні, улічваючы тэрытарыяльную аддаленасць лізінгаатрымальнікаў і складанасць замежнага права, дадуць магчымасць беларускім лізінгадаўцам прыняць меры па забеспячэнні паступлення лізінгавых плацяжоў, пошуку новых лізінгаатрымальнікаў і вяртанні прадмета лізінгу.

Адпаведна, прызнаны страціўшым сілу указ ад 24 верасня 2009 года нумар 465 "Аб некаторых пытаннях лізінгавай дзейнасці ў Рэспубліцы Беларусь".

версія для друку

зрабіць стартавай

дабавіць у выбранае