Бізнес-навіны

"Прынамсі да аграгарадкоў" - Лукашэнка даў наказ транспартнікам не забываць аб мясцовых дарогах

16 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка ў час рабочай сустрэчы з міністрам транспарту і камунікацый Аляксеем Аўраменкам і віцэ-прэм'ерам Анатолем Сіваком, які курыруе сферу, нагадаў, што акрамя буйных аўтамагістралей трэба не забываць і аб утрыманні ў нармальным стане дарог мясцовага значэння, перадае карэспандэнт БЕЛТА.

Кіраўнік дзяржавы запатрабаваў далажыць яму аб стане спраў у пытанні дарожнага будаўніцтва. Ён адзначыў, што адпаведныя задачы для краіны ў свой час былі цалкам сфармуляваны - пачынаючы ад мясцовых дарог і заканчваючы будаўніцтвам новых аўтамагістралей.

"Якія будуем, як будзем будаваць далей, як ідуць справы з мясцовымі дарогамі? Так у нас атрымаецца, што Мінск злучылі сёння з усімі абласнымі цэнтрамі. Сёння: едзь - не хачу. А там, на месцах, нам трэба ў больш-менш нармальным стане падтрымліваць дарожна-транспартную сетку. Прынамсі, да аграгарадкоў мы павінны даязджаць свабодна на аўтамабілі", - акцэнтаваў увагу Прэзідэнт.

Як расказаў пасля даклада кіраўніку дзяржавы Аляксей Аўраменка, у Беларусі ў бягучым годзе будзе адрамантавана не менш за 1 тыс. км мясцовых дарог. Так, плануецца закончыць да канца года рэканструкцыю дарог Мінск - Смалявічы, Слуцк - Салігорск, Брэст - граніца з Польшчай.

"Узгоднена з кіраўніком дзяржавы пераразмеркаванне шэрага інвестыцыйных праектаў. У першую чаргу гэта дарога Р46. Узгаднілі падыходы ў рабоце з нашымі кітайскімі партнёрамі, раней мы працавалі з азіяцкім банкам. Па аўтамабільнай дарозе М3 прадоўжым нашу работу з банкам Еўразійскага эканамічнага саюза", - адзначыў міністр.

версія для друку

зрабіць стартавай

дабавіць у выбранае