Бізнес-навіны

Прыморскі край Расіі зацікаўлены ў павелічэнні паставак беларускай прадукцыі

14 кастрычніка, Мінск /Кар. БЕЛТА/. Прыморскі край Расіі зацікаўлены ў павелічэнні аб'ёмаў паставак беларускай прадукцыі. Аб гэтым ішла размова на сустрэчах прадстаўнікоў двух рэгіёнаў падчас Дзён Рэспублікі Беларусь ва Уладзівастоку, паведамляе БЕЛТА са спасылкай на сайт Беларускай гандлёва-прамысловай палаты.

Праграма мерапрыемстваў уключала правядзенне фестывалю беларускай прадукцыі, выстаўкі буйнагабарытнай тэхнікі і бізнес-форуму, у якім прынялі ўдзел больш за 60 прыморскіх кампаній, зацікаўленых у супрацоўніцтве з Беларуссю. Бакі разгледзелі магчымасці павелічэння аб'ёмаў паставак беларускай прадукцыі гандлёвым сеткам расійскага рэгіёна і перспектыўныя праекты кааперацыі.

У цырымоніі адкрыцця фестывалю беларускай прадукцыі прынялі ўдзел Надзвычайны і Паўнамоцны Пасол Беларусі ў Расіі Уладзімір Сямашка, губернатар Прыморскага края Алег Кажамяка і старшыня Магілёўскага аблвыканкама Леанід Заяц. Яны адзначылі непарыўныя сувязі народаў дзвюх краін, агульнасць традыцый і культуры, а таксама актыўнае развіццё дзелавых кантактаў паміж рэгіёнамі, у тым ліку паміж Прыморскім краем і Магілёўскай вобласцю, нягледзячы на адлегласць.

На галоўнай плошчы Уладзівастока была прадстаўлена экспазіцыя прадукцыі 11 беларускіх вытворцаў. Прадукты харчавання - малочныя, мясныя дэлікатэсы, кандытарскія і хлебабулачныя вырабы - прадставілі ААТ "Бабуліна крынка", ААТ "Кобрынскі масларобна-сыраробны завод", Брэсцкі, Бабруйскі, Магілёўскі і Пінскі мясакамбінаты, ААТ "Булачна-кандытарская кампанія "Дамачай", ААТ "Чырвоны Харчавік" і кандытарская фабрыка "Камунарка". Кампанія "Стужка" прэзентавала жыхарам Прымор'я лінейку гардзіннага палатна і камплектаў дамашняга тэкстылю, а ААТ "Палессе" - шырокі асартымент жаночага, мужчынскага і дзіцячага трыкатажу.

На выстаўцы буйнагабарытнай тэхнікі былі прадстаўлены трактары "Беларус" ад Мінскага трактарнага завода, тэхніка акцыянерных таварыстваў "Амкадор", "Гомсельмаш", "Лідсельмаш", а таксама лінейка шын ад ААТ "Белшына".

версія для друку

зрабіць стартавай

дабавіць у выбранае