Бізнес-навіны

Продажы круглага лесу праз БУТБ у студзені-ліпені выраслі на 27 працэнтаў

Фота з архiва

17 жніўня, Мінск /Кар. БЕЛТА/. Продажы круглага лесу праз Беларускую ўніверсальную таварную біржу ў студзені - ліпені выраслі на 27 працэнтаў у параўнанні з аналагічным перыядам мінулага года, паведаміў карэспандэнту БЕЛТА прэс-сакратар БУТБ Раман Яніў.

"За сем месяцаў 2020 года праз Беларускую ўніверсальную таварную біржу на ўнутраны рынак рэалізавана 7,9 млн куб.м круглых лесаматэрыялаў на суму Br524 млн. У параўнанні з аналагічным перыядам мінулага года продажы выраслі на 11 працэнтаў у натуральным выражэнні і на 27 працэнтаў у вартасным. Традыцыйна найбольшым попытам у пакупнікоў карысталася балансавая драўніна хвойных парод і лесаматэрыялы без мэтавага прызначэння. На гэтыя пазіцыі прыпала больш за 80 працэнтаў ад агульнага аб'ёму рэалізацыі", - сказаў Раман Яніў.

Пры гэтым назіраецца стабільны рост інтарэсу да біржавой пляцоўкі з боку прыватных дрэваапрацоўчых прадпрыемстваў: з пачатку года іх колькасць вырасла амаль на трэць. "Прынятыя біржай меры па спрашчэнні доступу прыватнага бізнесу на таргі лесапрадукцыяй далі неабходны эфект. Павялічылася не толькі колькасць акрэдытаваных кампаній, але і аб'ёмы праведзеных імі здзелак. Сёння нават невялікая лесапільня можа без праблем прыняць удзел у гадавых, квартальных або бягучых таргах дзелавой драўнінай і закупіць столькі сыравіны, колькі ёй патрабуецца. Паколькі адна з ключавых задач біржы - забяспечваць роўны доступ да сыравінных рэсурсаў для ўсіх удзельнікаў рынку. Лічу, што мы з ёй спраўляемся", - адзначыў першы намеснік старшыні праўлення БУТБ Андрэй Новікаў.

Ён таксама дадаў, што ёсць перадумовы для далейшага росту аб'ёмаў рэалізацыі кругляка. Паказальнымі ў гэтых адносінах могуць стаць маючыя адбыцца квартальныя біржавыя таргі драўнінай у нарыхтаваным выглядзе рэсурсу чацвёртага квартала 2020 года, якія адбудуцца 3 і 4 верасня.

ААТ "Беларуская ўніверсальная таварная біржа" створана ў 2004 годзе. Першыя таргі адбыліся ў чэрвені 2005 года. БУТБ - адна з буйнейшых таварных бірж ва Усходняй Еўропе. Галоўная функцыя біржы - садзейнічанне беларускім прадпрыемствам у экспарце прадукцыі і дапамога замежным кампаніям у выхадзе на беларускі рынак. На біржы прадаюцца метала-, леса-, сельгаспрадукцыя, прамысловыя і спажывецкія тавары шырокай наменклатуры.

версія для друку

зрабіць стартавай

дабавіць у выбранае