Бізнес-навіны

Прэм'ер-міністры Беларусі і Расіі абмеркавалі ўзаемадзеянне ў энергетыцы і транспартнай сферы

1 чэрвеня, Мінск /Кар. БЕЛТА/. Прэм'ер-міністры Расіі і Беларусі Міхаіл Мішусцін і Раман Галоўчанка ў ходзе тэлефоннай размовы абмеркавалі ўзаемадзеянне краін у энергетычнай і транспартнай сферах, а таксама ў падатковым адміністраванні. Аб гэтым паведамляецца на афіцыйным сайце ўрада Расіі.

"Кіраўнікі ўрадаў прадоўжылі абмеркаванне актуальных пытанняў расійска-беларускага гандлёва-эканамічнага супрацоўніцтва ў развіццё перагавораў, праведзеных 27-28 мая ў Мінску ў ходзе пасяджэння Савета кіраўнікоў урадаў СНД. Асаблівая ўвага была ўдзелена ўзаемадзеянню ў энергетычнай і транспартнай сферах, а таксама ў падатковым адміністраванні", - гаворыцца ў паведамленні.

Міхаіл Мішусцін і Раман Галоўчанка абмяняліся меркаваннямі наконт прыярытэтных задач умацавання інтэграцыі ў Саюзнай дзяржаве. Кіраўнікі ўрадаў скаардынавалі падыходы ў кантэксце барацьбы з каранавіруснай інфекцыяй.

версія для друку

зрабіць стартавай

дабавіць у выбранае