Бізнес-навіны

Праз расійскія парты ўжо адгружана больш за 220 тыс. т беларускіх нафтапрадуктаў

Фота з архiва

5 красавіка, Мінск /Кар. БЕЛТА/. Пагадненне аб пастаўцы беларускіх нафтапрадуктаў праз расійскія парты дало магчымасць сфарміраваць новы міжнародны транспартны калідор, праз які ўжо цяпер пастаўлена больш за 220 тыс. т грузаў. Аб гэтым заявіў прэм'ер-міністр Расіі Міхаіл Мішусцін на нарадзе са сваімі намеснікамі, паведамляе ТАСС.

Ён нагадаў, што па даручэнні прэзідэнта РФ у пачатку гэтага года ўрад прапрацаваў і падпісаў міжурадавае пагадненне аб пастаўцы беларускіх нафтапрадуктаў праз расійскія марскія парты. Гэты дакумент разлічаны на тры гады і прадугледжвае магчымасць аўтаматычнага прадаўжэння. За гэты час павінна быць перавезена амаль 10 млн т беларускіх нафтапрадуктаў, адзначыў кіраўнік расійскага Кабінета міністраў. Беларусь пачала пастаўкі нафтапрадуктаў у расійскія парты 5 сакавіка.

"Месяц таму ў гэтым напрамку пачалася актыўная работа. Праз нашы марскія парты ўжо адгружана больш за 220 тыс. т, гэта амаль на чвэрць перавышае запланаваныя аб'ёмы", - адзначыў Міхаіл Мішусцін. Паводле яго слоў, "створаны ўжо не проста ланцужок экспартных паставак у рамках Саюзнай дзяржавы, а, па сутнасці, створаны новы міжнародны транспартны калідор".

Кіраўнік Кабінета міністраў дадаў, што, паводле прагнозаў, у красавіку таксама чакаецца значнае перавышэнне планавых паказчыкаў - як мінімум на 100 тыс. т. "Гэта добры тэмп", - лічыць ён. Міхаіл Мішусцін звярнуўся да кіраўніка Мінтранса РФ Віталія Савельева і папрасіў яго падрабязней далажыць аб тым, як ідзе перавалка беларускіх нафтапрадуктаў.

Міністр удакладніў, што па выніках месяца ў порт Усць-Луга было дастаўлена амаль 111 тыс. т бензіну пры плане 86 тыс. т. У пецярбургскі нафтавы тэрмінал было накіравана для перавалкі 96,6 тыс. т мазуту замест першапачаткова запланаваных 90 тыс. т. Таксама былі ажыццёўлены пастаўкі 14,6 тыс. т газойлю ва Усць-Лугу.

"Даходы расійскіх кампаній ад экспарту транспартных паслуг у перавозцы і перавалцы беларускіх нафтапрадуктаў у сакавіку склалі каля 348 млн расійскіх рублёў, - паведаміў Савельеў. - Пазітыўны прагноз графіка адгрузак нафтаперапрацоўчых заводаў на красавік прадугледжвае каля 280 тыс. т нафтапрадуктаў: 106 тыс. т газойлю, 92,5 тыс. т мазуту і 71 тыс. т бензіну. І гэта пры тым, што ў красавіку была прадугледжана адгрузка не менш за 180 тыс. т прадукцыі".

Ён дадаў, што ў маі-чэрвені запланавана адпраўка каля 360 тыс. т нафтапрадуктаў.

Каменціруючы даклад міністра, Міхаіл Мішусцін заўважыў, што работу ў гэтым напрамку трэба прадаўжаць. Паводле яго слоў, вельмі важна забяспечваць якасць і своечасовасць паставак.

"Размова перш за ўсё ідзе аб умацаванні нашых эканамічных сувязей, аб загрузцы транспартнай інфраструктуры і ў далейшым - аб стварэнні адзіных энергетычных рынкаў. Трэба актыўна выкарыстоўваць і прымнажаць канкурэнтныя перавагі Расіі і Беларусі", - рэзюмаваў расійскі прэм'ер.

версія для друку

зрабіць стартавай

дабавіць у выбранае