Бізнес-навіны

Прамысловасць, прадукты харчавання, аздараўленне. Галоўчанка пра напрамкі супрацоўніцтва з Егіптам

30 красавіка, Мінск /Кар. БЕЛТА/. У Беларусі і Егіпта ёсць значныя рэзервы ў развіцці супрацоўніцтва ў прамысловай сферы. Аб гэтым заявіў прэм'ер-міністр Беларусі Раман Галоўчанка на пашыранай сустрэчы з прэм'ер-міністрам Арабскай Рэспублікі Егіпет Мустафой Мадбулі, паведамляе карэспандэнт БЕЛТА.

"Значныя рэзервы мы бачым у развіцці супрацоўніцтва ў прамысловай сферы. Гэта адна з галоўных пераваг Беларусі. Пераважная большасць прамысловай прадукцыі, якая вырабляецца ў нашай краіне, экспартуецца на знешнія рынкі, у тым ліку ў Арабскую Рэспубліку Егіпет. І аб'ёмы паставак маглі быць значна большыя. У першую чаргу мы зацікаўлены ў развіцці кааперацыйных праектаў у Егіпце па сумеснай вытворчасці ўзораў пасажырскай, грузавой, сельскагаспадарчай і камунальнай", - сказаў Раман Галоўчанка.

Прэм'ер-міністр адзначыў, што Беларусь таксама зацікаўлена ў нарошчванні аб'ёмаў паставак харчовай прадукцыі ў Егіпет: "У вас вялікі рынак. Егіпецкае насельніцтва расце вельмі хуткімі тэмпамі, і мы гатовы ўносіць свой уклад у забеспячэнне харчовай бяспекі". Раман Галоўчанка таксама заявіў аб гатоўнасці рэалізаваць у Егіпце праекты па вытворчасці малочных прадуктаў з выкарыстаннем беларускага сухога малака.

Гаворачы аб супрацоўніцтве ў гуманітарнай сферы, Раман Галоўчанка прапанаваў прадоўжыць практыку аздараўлення ў Беларусі егіпецкіх дзяцей.

версія для друку

зрабіць стартавай

дабавіць у выбранае