Бізнес-навіны

Прамкааперацыя, будаўніцтва, пастаўкі тэхнікі. Заяц аб перспектывах супрацоўніцтва з Мардовіяй

19 кастрычніка, Мінск /Кар. БЕЛТА/. Намеснік прэм'ер-міністра Беларусі Леанід Заяц у час сустрэчы з кіраўніком Рэспублікі Мардовія Арцёмам Здунавым расказаў аб перспектыўных напрамках супрацоўніцтва з гэтым расійскім рэгіёнам, перадае карэспандэнт БЕЛТА.

Паводле слоў віцэ-прэм'ера, той націск, які аказвае Захад на Беларусь і Расію, падштурхоўвае іх да далейшай кааперацыі і збліжэння. "Мы дасягнулі даволі нядрэнных вынікаў супрацоўніцтва. Тавараабарот паміж Беларуссю і Мардовіяй расце. Мы высока цэнім нашы двухбаковыя сувязі, узаемадзеянне ў прамысловасці і іншых напрамках народна-гаспадарчага комплексу", - сказаў Леанід Заяц.

"Беларусь мае магчымасць узмацніць сельскагаспадарчы парк Мардовіі сваёй тэхнікай. Гэта збожжаўборачныя камбайны, трактары, прычапная тэхніка і г.д. Мы таксама гатовы паставіць пасажырскі, грузавы, камунальны транспарт. Акрамя таго, мы разглядаем магчымасць стварэння сумесных прадпрыемстваў на базе вашых у Мардовіі", - адзначыў намеснік прэм'ер-міністра.

Леанід Заяц звярнуў увагу на тое, што ў Мардовіі да 2025 года трэба замяніць некалькі тысяч ліфтаў. Ён падкрэсліў, што беларускі бок гатовы прапанаваць свае паслугі ў гэтым пытанні. У прыватнасці, па пастаўках і мантажы ліфтаў, наладжванні далейшага сэрвісу.

Таксама Беларусь зацікаўлена ў супрацоўніцтве ў будаўнічай сферы, навуцы і іншых напрамках.

версія для друку

зрабіць стартавай

дабавіць у выбранае