Бізнес-навіны

Прадукцыю на выстаўцы "Поўдзень Экспа" ў Кыргызстане прадставілі 16 прадпрыемстваў "Белдзяржхарчпрама"

Фота з архiва

15 верасня, Мінск /Кар. БЕЛТА/. Прадукцыю на выстаўцы "Поўдзень Экспа - 2022" у Кыргызстане прадставілі 16 прадпрыемстваў "Белдзяржхарчпрама", паведамілі БЕЛТА ў прэс-службе канцэрна.

"Белдзяржхарчпрам" прымае ўдзел у беларуска-кыргызскім бізнес-форуме і міжнародной універсальнай выстаўцы "Поўдзень Экспа - 2022", якая праходзіць 15-17 верасня ў г.Ош.

Стэнд "Белдзяржхарчпрама" аб'ядноўвае прадукцыю 16 вядучых прадпрыемстваў канцэрна. На ім прадстаўлены кандытарскія вырабы, снэкі, прадукты хуткага гатавання, харчовыя канцэнтраты, дзіцячае харчаванне, моцныя спіртныя напіткі - гайсты, настойкі і бальзамы на беларускіх травах, дыстыляты, віскі поўнага цыкла вытворчасці з беларускага збожжа, прадукцыя з пладоў і ягад і іншыя харчовыя тавары.

У час работы выстаўкі арганізаваны штодзённыя дэгустацыі беларускіх прадуктаў харчавання. "Якасць і смак прадукцыі атрымліваюць высокую ацэнку бізнес-партнёраў і жыхароў Кыргызстана", - адзначылі ў прэс-службе.

Акрамя таго, у рамках візіту ў Кыргызстан намеснік старшыні канцэрна Аляксандр Якоўчыц прыме ўдзел у 10-м пасяджэнні Беларуска-кыргызскай міжурадавай камісіі па пытаннях гандлёва-эканамічнага супрацоўніцтва.

версія для друку

зрабіць стартавай

дабавіць у выбранае