Бізнес-навіны
Прадстаўніцтва ЭКСАР у Беларусі разглядае магчымасць падтрымкі 21 праекта больш як на $670 млн
19 снежня, Мінск /Кар. БЕЛТА/.
Прадстаўніцтва Расійскага агенцтва па страхаванні экспартных крэдытаў і інвестыцый (ЭКСАР) у Беларусі разглядае магчымасць падтрымкі 21 праекта больш як на $670 млн. Аб гэтым паведаміў кіраўнік прадстаўніцтва АТ "ЭКСАР" у Беларусі Віктар Даранкевіч на форуме "Група РЭЦ у Рэспубліцы Беларусь: вынікі і перспектывы пашырэння экспартных праектаў і інвестыцый", перадае карэспандэнт БЕЛТА.Асноўнымі прыярытэтамі кіраўнік прадстаўніцтва назваў энергетыку, інфраструктурныя праекты, сферу вытворчасці высокатэхналагічнай прадукцыі. "У ЭКСАР дзякуючы нашай рабоце ў Беларусі з'явілася больш за 40 новых кліентаў. Цяпер у нас знаходзіцца на разглядзе 21 праект на агульную суму больш як $670 млн", - адзначыў
Віктар Даранкевіч.Прадстаўніцтва ЭКСАР у Беларусі прадастаўляе кліентам шэраг паслуг, у тым ліку інфармаванне аб магчымасцях і прапановах ЭКСАР, кансультаванне і навучанне кліентаў, якія з'яўляюцца партнёрамі і пакупнікамі прадукцыі расійскіх вытворцаў, папярэдняе структураванне здзелак, іх падрыхтоўку і суправаджэнне. "На першапачатковым этапе дзейнасці мы бачылі давядзенне інфармацыі аб новых магчымасцях праграмы страхавання, якая дынамічна развіваецца ў Расіі. Нягледзячы на тое, што праграма створана для падтрымкі расійскага экспарту, для беларускіх прадпрыемстваў яна таксама змяшчае пэўныя перавагі", - растлумачыў Віктар Даранкевіч. У першую чаргу гэта магчымасць прыцягнення крэдытных рэсурсаў на працяглыя тэрміны па льготнай стаўцы.
версія для друку
зрабіць стартавай
дабавіць у выбранае